Andijondagi dehqonlar ko‘chatchilik ortidan yuz milliondan ortiq daromad olmoqda

{Yii::t(}

O'tkazib yuborish 6s

O'tkazib yuborish

Ushbu mahallada 743 ta xonadonning deyarli barchasi ko‘chat yetishtirish ishlari bilan shug‘ullanib keladi. Xonadonida yer maydoni kichik bo‘lganlar boshqa hududlarga borib, ijaraga olingan yerlarda dehqonchilik bilan shug‘ullanishmoqda.

Xorijiy navlarni mahalliylashtirish va mahalliy navlarni yanada ommalashtirish maqsadida ko‘chatlar payvand qilinadi. Payvand qilingan ko‘chatlar qo‘shni davlatlarga eksport qilinmoqda.

“To‘rt aka-ukamiz. Hammamiz bir gektardan yer olganmiz. Bir gektar yerda tayyorlangan ko‘chatlar sotilib bo‘lguncha boshqa bir gektar tayyor holatga olib kelinadi. 350 mingga yaqin mevali ko‘chatlar yetishtiramiz yiliga”, - deydi Shuhratbek Yo‘ldoshev.

Dehqonning ta’kidlashicha, mazkur mevali ko‘chatlardan bir mavsum davomida 100-150 million so‘m daromad qilish mumkin.

Mahalla ahli o‘z ko‘chatlarini buyurtmaga qarab joylariga borib bog‘ barpo qilib berishlari ham mumkin. Mevali ko‘chatlar esa turiga qarab narxlanadi. Meva berishi ham bir yildan sakkiz yilgacha bo‘lishi mumkin. Olmaning bir nechta navlari ekilgandan bir yil o‘tib, meva berishni boshlaydi.

“Mahallada bekor yurgan odamning o‘zi yo‘q. Hamma ko‘chat yetishtirish bilan shug‘ullanadi. Dehqonlarga suv yetkazib berishni ham yo‘lga qo‘yganmiz. Unumdor yerlarni aniqlashga ham yordam beramiz”, - deydi tuman ekologiya va atrof-muhitni himoya qilish bo‘limi bosh mutaxassisi Azamatjon Ahmedov.

Abduvali Qurbonov, Kun.uz muxbiri

Tasvirchi va montaj ustasi: Azizbek Ismoilov