«Paxtakor» sobiq bosh murabbiyi Shota Arveladze Angliyada ish boshladi.

Angliyaning «Hall Siti» klubi gruziyalik mutaxassisni bosh murabbiy sifatida e’lon qildi.

«Hall Siti» katta mamnuniyat bilan Shota Arveladze bosh murabbiy sifatida tayinlanganini ma’lum qiladi. Klub va mutaxassis o‘rtasida 2,5 yillik shartnoma imzolandi», - deyiladi klub xabarida.

Eslatib o‘tamiz, ushbu jamoa yaqinda turkiyalik tadbirkor tomonidan sotib olingan edi. Arveladze 2020 yil yakunida Toshkent jamoasini tark etgach, hozirgacha ishsiz sanalardi.

Ma’lumot uchun, «yo‘lbarslar» Chempionship turnirida 27-turdan keyin 19-o‘rinni egallab turibdi.