Зеленский Байденга Путин билан уч томонлама музокара ташкил этишни таклиф қилди

Жаҳон 21:17 / 14.01.2022 7311

Украина президенти Владимир Зеленский АҚШ етакчиси Жо Байденга россиялик ҳамкасби Владимир Путин билан видеоконференция шаклида учрашув ташкил этишни таклиф қилди. Бу ҳақда Украина президенти офиси раҳбари Андрей Ермак маълум қилди.

"Президент Зеленский президент Байденга уч томонлама – президент Байден, президент Зеленский ва президент Путин ўртасида балки видеоконференция режимида учрашув ташкил этишни таклиф қилди. Биз Россия томонининг жавобини кутяпмиз", - деди Ермак.

Ўтган йил декабрида Владимир Зеленский ўзаро учрашув масаласини келишиб олиш учун Владимир Путинга қўнғироқ қилишга тайёрлигини айтганди.

Россия президенти матбуот котиби Дмитрий Песковнинг сўзларига кўра, агарда музокараларда Қримнинг кимга тегишлилиги масаласини кўтариш режалаштириладиган бўлса, Россия ва Украина президентлари ўртасида учрашув ўтказилмайди.  

Кўпроқ янгиликлар