Rossiya prezidenti Vladimir Putin Rossiya fuqaroligini olishni soddalashtiruvchi yanig qonun qabul qilish taklifi bilan chiqdi.

Qonun loyihasida 20dan ortiq toifadagi shaxslar uchun Rossiya fuqaroligini olishda qo‘yiladigan talablarni qisqartirish ko‘zda tutilgan.

Gap sobiq SSSR fuqarolari bo‘lganlar hamda ularning farzandlari haqida bormoqda. Bundan tashqari, Rossiyada ushbu mamlakat fuqarosi bo‘lgan qarindoshlari bor shaxslarga ham Rossiya fuqaroligini berishni soddalashtirish ko‘zda tutilmoqda. 

Quyidagilar Rossiya fuqarosi deb tan olinishi mumkin:

1992 yil 6 fevralgacha RF hududida tug‘ilganlar;

Ota-onasidan biri sobiq SSSR fuqarosi bo‘lgan va Rossiya hududida doimiy yashagan shaxslar;

SSSR yoki RFga qasamyod qilgan yoki 1992 yil 6 fevralgacha Rossiya yurisdiksiyasiga tegishli harbiy qismlarda xizmat qilgan harbiy xizmatchilar.