Хитой Starlink сунъий йўлдошлари устидан БМТга шикоят қилди

Жаҳон 15:00 / 28.12.2021 6606

Хитой Илон Маскнинг SpaceX компаниясига тегишли Starlink интернет сунъий йўлдошлари устидан БМТнинг космик макон масалалари бошқармасига шикоят қилди, деб хабар берди Reuters.

Хабарда айтилишича, бунга Хитой космик станцияси Starlink сунъий йўлдошлари билан тўқнашиб кетмаслик учун ўз траекториясини ўзгартиришга мажбур бўлгани сабаб қилиб кўрсатилган.

Пекиннинг билдиришича, космик станция камида икки марта Starlink сунъий йўлдошлари билан тўқнашиб кетишига бир баҳя қолган. Ушбу ҳолатлар 1 июл ва 21 октябрда юз берган.

SpaceX компанияси Starlink интернет тармоғи доирасида 1,9 мингга яқин сунъий йўлдош учирган.

Маълумотларга кўра, Ер атрофида 30 мингга яқин сунъий йўлдош бор.

Кўпроқ янгиликлар