Туркия полицияси ИШИД террорчилик гуруҳига алоқадорликда гумон қилинган тўққиз нафар хориж фуқаросини қўлга олди. Бу ҳақда Sabah газетаси хабар бермоқда.

Газета манбаларининг сўзларига кўра, гумонланувчилар терактлар содир этишга тайёргарлик кўрган.

Улар Истанбулнинг бешта районида ўтказилган терроризмга қарши рейдлар давомида қўлга олинган. Гумонланувчиларнинг ёнидан электрон материаллар ва теракт уюштиришга алоқадор ҳужжатлар топилган.

Ҳозирча қўлга олинганларнинг қайси давлат фуқароси экани маълум қилинмаган.