Портал талқинига кўра, 600 долларлик Pixel 6 смартфони ундан қимматроқ турувчи Pixel 6 Pro каби функцияларни таклиф қилади. 

“Шубҳасиз, Google Pixel 6 нарх ва сифат жиҳатидан 2021 йилда ишлаб чиқарилган энг яхши смартфондир”, деб айтилган порталда. 

2-ўринни Samsung Galaxy S21 Ultra эгаллади. Рейтинг муаллифларининг фикрича, ушбу модел Samsung таклиф қилиши мумкин бўлган “энг яхши жиҳатлар билан таъминланган”.

“Агар сиз телефонга мўмайгина пул сарфлай олсангиз, унда Galaxy S21 Ultra’да қувватлагичдан ташқари, сиз истаган барча нарса бор”, деб таъкидлаб ўтишган рейтинг муаллифлари.

3-ўринни Pixel 6 Pro ва Galaxy Z Fold3 смартфонлари эгаллаган. Иккала қурилма ҳам телеобъективлар билан жиҳозланган.

Кейинги ўринларни Apple’нинг иккита модели - iPhone 13 ва 13 Pro Max эгаллади. Рейтинг муаллифлари Apple смартфонлари бундай “паст” баҳоланганини улар ўтган йилги моделлардан унча фарқ қилмаслиги билан тушунтиришган. Таъкидланишича, минг доллардан қимматроқ турувчи гаджет Apple таклиф қилиши мумкин бўлган энг яхши маҳсулотга эга бўлишни истовчи фойдаланувчиларгагина муҳим. Аксарият фойдаланувчиларга 600-800 доллар турувчи моделлар кифоя қилади.