Қашқадарёда ЙПХ ходими фаолиятига халақит берган фуқаро 10 суткага қамалди

Жамият 13:06 / 14.12.2021 14002

Ижтимоий тармоқларда Қашқадарё вилояти Чироқчи тумани ҳудудида йўл-патрул хизмати ходими ва Cobalt ҳайдовчиси ўртасида тортишув бўлгани акс этган видео тарқалди. Қайд этилишича, видеода ҳайдовчи мультирадар билан жиҳозланган автомобилда хизмат олиб бораётган ходимга нисбатан эътирозлар билдириб, қўпол муносабатда бўлган ва тортишув юзага келтириши натижасида атрофда фуқаролар тўпланган.

ИИВ ЙҲХББ мазкур ҳолат юзасидан расмий маълумот берди. Маълум қилинишича, Қашқадарё вилояти ИИБ ЙҲХБ масъуллари томонидан тегишли ҳужжатлар тўпланган ва ҳолат 2021 йил 13 декабрь куни Жиноят ишлари бўйича Чироқчи тумани судида ўрганиб чиқилган.

“Фуқаро Ш.А. Маъмурий жавобгарлик тўғрисидаги кодекснинг 195-моддасида кўрсатилган ҳуқуқбузарликни содир этганликда айбдор деб топилди ва унга нисбатан 10 сутка маъмурий қамоқ жазоси тайинланди.

Кўплаб ЙТҲларга тезлик сабаб бўлаётган бир вақтда, тезюрар, учар ҳайдовчиларни тартибга чақириш мақсадида хизмат олиб бораётган ходимларнинг фаолиятига халақит бермасликни сўраймиз”, дейилади хабарда.

Кўпроқ янгиликлар