Qoʻshimcha funksionallar
-
Tungi ko‘rinish
Pegasus asoschilari inqiroz yoqasida. Ular NSO Group'ni sotmoqchi
Isroilning NSO Group kompaniyasi ko‘plab mamlakatlar jurnalistlar, huquq faollari va hatto davlat rahbarlarining telefonlarini kuzatishda foydalangani oshkor bo‘lgan Pegasus dasturini ishlab chiqqani bilan mashhurlikka erishgandi.

Foto: AFP
Bloomberg'ning yozishicha, NSO Group rahbarlari korxonani sotish haqida o‘ylamoqda. Kompaniya AQSh Savdo vazirligining qora ro‘yxatiga kiritilgani va Apple tomonidan sudga berilganidan keyin iqtisodiy inqiroz yoqasiga kelib qolgan. Nashrning yozishicha, qator investitsion fondlar bilan korxona qarzlarini moliyalashtirish yoki uni to‘g‘ridan-to‘g‘ri sotish bo‘yicha muzokaralar o‘tkazilgan.
Isroil kompaniyasini moliyalashtirishga AQShning ikkita fondi qiziqish bildirgan. Ular NSO Group ustidan nazoratni qo‘lga olib, Pegasus dasturidan telefonlarni kuzatish uchun foydalanishga chek qo‘ymoqchi. Investorlar 200 million dollar ajratib, Pegasus dasturini kiberxavfsizlik va dronlar ishlab chiqarishga yo‘naltirmoqchi.
Ikki yil avval NSO Group 1 milliard dollarga baholanayotgandi. Pegasus dasturi faoliyati oshkor bo‘lgach, kompaniya qiyin ahvolda qoldi. Chunki daromadning yarmi aynan shu josuslik dasturi hissasiga to‘g‘ri kelardi.
Pegasus dasturi orqali ko‘plab davlatlarning xavfsizlik xizmatlari jurnalistlar, huquq faollari va hatto davlat rahbarlarining telefonini noqonuniy buzib kirgani haqida iyul oyida Fransiyaning Forbidden Stories nashri surishtiruvida ma’lum bo‘lgandi. Amnesty International va 17 ta jurnalistik tashkilotlar hamkorligida o‘tkazilgan surishtiruvda kamida 11 ta davlat xavfsizlik xizmatlari dasturdan foydalangani aniqlangan.
Washington Post telefonlarni simkartasi orqali buzib kiruvchi Pegasus dasturidan 45 ta davlat foydalangani, ular orasida O‘zbekiston ham borligini yozgandi. Ozarboyjon, Bahrayn, Vengriya, Hindiston, Qozog‘iston, Meksika, Marokash, BAA, Ruanda, Saudiya Arabistoni Pegasus'dan eng ko‘p foydalangan davlatlar ekani aniqlangan. Bloomberg yaqinda Pegasus orqali AQSh davlat departamentining kamida to‘qqiz nafar xodimiga tegishli telefonlar buzib kirilgani haqida xabar qilgan.
NSO Group bu surishtiruvdan keyin o‘zini oqlab chiqib, kompaniya dasturni davlatlarga faqat terrorizmga qarshi kurash doirasida sotishi, bu kelishuvni buzgan davlatlar bilan shartnomani bekor qilishini iddao qildi. Surishtiruvdan keyin AQSh savdo vazirligi NSO Group'ni qora ro‘yxatga kiritgan. Apple esa Pegasus orqali telefonlarga buzib kirishni to‘g‘ridan-to‘g‘ri Apple va uning foydalanuvchilariga hujum deb qabul qilib, Isroil kompaniyasini sudga berdi.
AQSh bosimidan keyin NSO Group kompaniyasining iqtisodiy holati qiyinlasha boshladi. Korxona ayni damda 450 million dollar kredit undiruvini amalga oshirishi kerak. Bloomberg manbasiga ko‘ra NSO Group'ning 2021 yildagi daromadi 230 million dollarni tashkil etadi. Bu esa 2018 yilgiga qaraganda 8 foizga kamroq degani.
Ma’lumot uchun, NSO Group kompaniyasi «AMAN» deb nomlangan Isroil harbiy razvedkasining ikki sobiq xodimi tomonidan yaratilgan. Bu korxona kiberkuzatuv texnologiyalari bo‘yicha dunyoda yetakchi hisoblanadi. U o‘z mahsulotlarini Isroil mudofaa vazirligi bergan litsenziya asosida sotadi.
Pegasus josuslik dasturi. Dunyo bo‘ylab maxsus xizmatlar telefonlarni sezdirmay kuzatgani aytilmoqda
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
Kim Chen In Amerikaga qarshi urushda g‘alaba qozonishni va’da qildi
Jahon | 21:36
-
Britaniya tashqi ishlar vaziri G‘azoda gumanitar tanaffus e’lon qilinishini “kech tashlangan qadam” deb atadi
Jahon | 21:32
-
Zelenskiy Putin bilan uchrashuvining asosiy shartini aytdi
Jahon | 20:49
-
Makron Rossiyaga nisbatan bosimni kuchaytirishga va’da berdi
Jahon | 20:30
Mavzuga oid

17:53 / 07.05.2025
AQSh sudi Pegasus josuslik dasturini yaratgan Isroil kompaniyasini 170 mln dollar jarimaga tortdi

23:10 / 27.01.2025
Polshada Pegasus josuslik dasturi yordamida 570 dan ortiq siyosatchining telefoni eshitib kelingani aniqlandi

07:56 / 24.04.2024
Madrid yana Pegasus josuslik dasturi qo‘llanishini tekshirmoqda

12:36 / 11.03.2022