АҚШ 2025 йилгача 500 тага яқин янги ядро бомбаси ишлаб чиқариши маълум қилинди

Жаҳон 23:17 / 05.12.2021 6622

Ушбу миқдор Хитой, Франция, Британия, Покистон, Ҳиндистон, Шимолий Корея ва Исроилда мавжуд бўлган ядро қуролларидан кўпроқни ташкил қилади.

B61-12 ядро бомбалари АҚШда 1968 йилда қуролланишга олинган B61 туридаги бомбанинг охирги модификацияси ҳисобланади. Бомба АҚШнинг стелс технологиясига эга B-2 Spirit бомбардимончи ва НАТОнинг Европадаги бошқа турдаги қирувчи-бомбардимончи самолётлари учун мўлжалланган.

Турли маълумотларга кўра, айни вақтда АҚШ Европада тактик авиация томонидан қўллаш учун 100-150 та ядро авиабомбасига эга.  

Аввалроқ B61-12 бомбасининг илк серияли нусхаси ишлаб чиқарилгани маълум қилинганди. Бомба Техасдаги Pantex корхонасида 23 ноябрда ишлаб чиқарилган. Маълумотларга кўра, айни вақтда АҚШда бундай янги ядро бомбасидан камида 10 дона бор.  

Биринчи босқичда ушбу бомбалардан аксарияти АҚШнинг қитъадаги қисмида жойлаштирилиши, кейинроқ эса Европадаги авиабазаларга етказилиши мумкин.

B61-12 авиабомбалари АҚШнинг Германия, Бельгия, Нидерландия, Италия ва Туркиядаги авиабазаларида жойлаштирилиши тахмин қилинмоқда.

Янги бомбанинг аввалгиларидан фарқи унинг дум қисмидаги қўллаш аниқлигини оширувчи инерциал нишонга олиш тизимида бўлиб, у бомбани бошқариш имконини беради ва уни аниқроқ қилади. Бундай бомбани парашютда туширмай, катта баландликда учаётган самолётдан ташлаш мумкин. Бомба ташлангандан кейин нишон томон бир неча километр ўзи мустақил равишда ҳаракатлана олади.

Кўпроқ янгиликлар