Johnson & Johnson “omikron” shtammiga qarshi vaksina ishlab chiqishga kirishganini e'lon qildi

Jahon 22:23 / 29.11.2021 3736

Amerikaning Johnson & Johnson kompaniyasi koronavirusning “omikron” shtammiga qarshi vaksina ishlab chiqishga kirishganini ma'lum qildi.

“Biz “omikron”ga qarshi yangi vaksinani modellashtirish va ishlab chiqishni boshladik hamda zarur bo‘lsa darhol klinik sinovlar bosqichiga o‘tamiz”, – dedi kompaniyaning ilmiy tadqiqotlar va ishlanmalar bo‘limi boshlig‘i Matay Memmen.

Kompaniyaning bildirishicha, parallel ravishda JAR va boshqa mamlakatlardagi olimlar bilan hamkorlikda mavjud vaksinalarning “omikron”ga qarshi ta'sirchanligi o‘rganilmoqda.

Memmenning ta'kidlashicha, koronavirusning yangi varianti paydo bo‘lishi epidemiologik vaziyatni kuzatish, COVID-19ga qarshi emlash va testlar o‘tkazish zarurligini ko‘rsatmoqda.

Koronavirusning “omikron” deb nomlangan B.1.1.529 shtammi ilk marta 24 noyabr kuni JARda aniqlangan. Mutaxassislarning fikricha, u boshqa shtammlarga nisbatan juda tez tarqaladi va ko‘plab mutatsiyalarga ega.

Ko‘proq yangiliklar: