Bu haqda Isroil bosh vaziri Naftali Bennet e'lon qildi. Hukumat 2 hafta davomida yangi shtamm haqida ko‘proq ma'lumot paydo bo‘lishiga umid qilmoqda. Taqiqlov 29 noyabrdan amal qila boshlaydi. Yangi shtamm bilan kasallanganlar telefonlarni kuzatish texnologiyasi yordamida kuzatiladi.

Ayni vaqtda mamlakatda omikron-shtamm bilan bitta kasallanish holati qayd qilingan. Yana 7 kishi ushbu shtamm bilan kasallanganlikda gumonlanmoqda.

JSST 26 noyabrda koronavirusning yangi shtammini grek alifbosining omikron (o) harfi bilan belgiladi. Ushbu shtamm “xavotir uyg‘otuvchi shtamm” maqomini oldi. U bilan ilk kasallanish holati JARda qayd qilingan va hozirda Yevropada u bilan kasallanish holatlari aniqlanmoqda. Ko‘plab davlatlar JAR va yangi shtamm tarqalayotgan boshqa davlatlar bilan aviaaloqani to‘xtatmoqda.