Renault ўз машинаси услубида квадрокоптер ишлаб чиқди

Жаҳон 21:52 / 26.11.2021 4502

Renault компанияси Renault 4 автомобил модели услубида ишлаб чиқилган квадрокоптерни намойиш қилди. Эътиборлиси, қурилма Renault 4 кузови нусхаси билан жиҳозланган ва Renault Air4 деб ном олган.

Концептни француз компанияси учун TheArsenale компанияси ишлаб чиққан. Қурилма бир ўриндиқли бўлиб, углепластикдан ишланган. У сиғими 90 А-соатли 100 волтли литий-полимер батарея ва умумий тортиш қуввати 380 кг бўлган 4 та паррак билан жиҳозланган.

Renault Air4 квадрокоптери 700 метргача баландликка 4 м/сония тезлик билан кўтарила олади ва горизонтал парвозда 90 км/соатгача тезликда уча олади. Парвоз вақтида қурилма 70 даража бурчакка эгилиши мумкин.

Renault 4 машинаси 1961 йилдан 1992 йилгача ҳамёнбоп модел сифатида ишлаб чиқарилган, 2021 йилда машинанинг 60 йиллиги муносабати билан унинг негизида яратилган бир нечта концепт-кар тайёрланган. 

Кўпроқ янгиликлар