«Rossiya Federatsiyasi Hukumatining Rossiya Federatsiyasi Hukumati va O‘zbekiston Respublikasi Hukumati o‘rtasida Rossiya Federatsiyasi va O‘zbekiston Respublikasi bojxona xizmatlari vakolatxonalarini ochish to‘g‘risidagi Bitimni imzolash to‘g‘risidagi taklifi qabul qilinsin», deyiladi hujjatda.
Rossiya Federal bojxona xizmatiga O‘zbekiston bilan muzokaralar olib borish va Rossiya hukumati nomidan mazkur shartnomani imzolash topshirildi.
O‘zbekiston prezidenti Shavkat Mirziyoyev 19 noyabr kuni Moskvaga tashrif buyurdi. Tashrif yakunlari bo‘yicha 39 ta hujjat imzolandi. Imzolangan hujjatlar orasida mamlakatlar o‘rtasida soddalashtirilgan bojxona yo‘lagi bo‘yicha kelishuv ham bor.
