«Лукойл» Ўзбекистонда 100 миллиард куб метр газ қазиб олди

Ўзбекистон 08:47 / 26.11.2021 2926

2004 йилдан буён «Лукойл» компанияси томонидан Ўзбекистонда амалга оширилаётган лойиҳалардан тўпланган табиий газ қазиб олиш ҳажми 100 миллиард куб метрга етди.

Қайд этилишича, газнинг асосий қисми (70 фоиздан ортиғи) Бухоро вилоятининг Қандим-Хаузак-Шоди майдонида қазиб олинган. 2008 йилда Хаузак-Шоди ишлаб чиқаришнинг лойиҳавий даражасига етди - йилига 4 миллиард куб метр газ. Корхона томонидан 2017 йилда водород сулфидли газни қайта ишлаш, тозаланган табиий газ, барқарор газ конденсати ва олтингугурт олиш учун мўлжалланган, йилига 8,1 миллиард куб метр газ қувватига эга Қандим газни қайта ишлаш мажмуаси фойдаланишга топширилди.

«Лукойл» Ўзбекистон ҳудудида Қандим-Хаузак-Шоди ва Жануби-Ғарбий Ҳисор лойиҳалари бўйича маҳсулот тақсимоти бўйича иккита шартнома асосида ишлайди. Компания конларни ўзлаштириш ва тартибга солиш, табиий газ қазиб олиш, тозалаш ва товар ҳолатига қайта ишлаш билан шуғулланади. «Лукойл» томонидан мамлакатда қазиб олинаётган газнинг бутун ҳажми ички ва халқаро бозорда талабга эга экани айтилади.

Кўпроқ янгиликлар