Туман ҳокимининг қарорида айтилишича, суд тиббий экспертизанинг дастлабки хулосасига кўра фуқаро ис газидан заҳарланган деб бирламчи хулоса берилган.
Туман ҳокими қарори билан Қўштепа тумани “Қўрғонча” маҳалла фуқаролар йиғини, Пахтаобод кўчасида жойлашган 27-мактабгача таълим ташкилотида содир бўлган бахтсиз ҳодисани ўрганиш юзасидан туман комиссия таркиби тасдиқланди.
Туман комиссиясига комиссия аъзолари билан биргаликда жойига чиққан ҳолда бахтсиз ҳодиса содир бўлган жойнинг ҳолати бўйича барча ўзгаришларни қайд этиш, дудбурон ва шамоллатиш каналларининг лойиҳа ҳужжатларига, белгиланган норма ва қоидаларга мувофиқлигини аниқлаш, бахтсиз ҳодиса гувоҳларидан тушунтириш хатларини олиш ва бошқа вазифалар юклатилди.
