Чехияда коронавирус юқтириш ҳолатлари бўйича рекорд кўрсаткич қайд этилди

Жаҳон 22:54 / 26.11.2021 3941

Чехияда коронавирус юқтириш ҳолатлари сони кескин ўсгани сабабли янги чекловлар жорий этилди, деб хабар берди Associated Press.

Мамлакатда ўтган суткада 27 минг 717та янги ҳолат қайд этилган, бу 23 ноябрдаги антирекорддан қарийб 2 мингтага кўпдир.

Жума кунидан бошлаб Чехияда коронавирус билан боғлиқ қўшимча чекловлар киритилди. Бутун мамлакат бўйлаб байрам ярмаркалари фаолияти тўхтатилди, жамоат жойларида алкоголли ичимликлар ичиш тақиқланди. Барлар, ресторанлар, тунги клуб ва казинолар соат 22:00гача ишлайди. Шунингдек, маданий ва спорт тадбирларида иштирокчилар сони минг нафаргача чекланди.

Бундан ташқари, ЖАР, Намибия, Лесото, Зимбабве, Мозамбик, Замбия ва Ботсванада 12 соатдан ортиқ бўлган шахсларнинг Чехия ҳудудига кириши тақиқланди.

Кўпроқ янгиликлар