Туркияда лира қиймати тушиб кетгани учун Apple маҳсулотлари сотуви тўхтатилди

Жаҳон 15:35 / 24.11.2021 3897

Туркияда лира курси кескин тушиб кетганлиги сабабли Apple компанияси маҳсулотлари сотуви тўхтатилди. Бу ҳақда Habertürk нашри ёзмоқда.

24 ноябрь куни бир АҚШ доллари 13 лирадан ошди.

Хабарда айтилишича, илгари туркияликларга хориждан Apple маҳсулотларини сотиб олиш фойдалироқ эди. Бу Туркия ҳудудида олинадиган солиқ ва йиғимлар билан боғлиқ бўлиб, натижада маҳсулот нархи ошиб кетарди.

Аммо ҳозирда валюта курси тушиб кетгани учун Туркиядаги нархлар АҚШдаги нархлардан анча арзон бўлиб қолди.

Шу боис Apple мамлакатдаги маҳсулотлари нархларини қайта кўриб чиқишга қарор қилди ва расмий сайтида маҳсулотларга буюртма олишни тўхтатди.

Туркия лираси қиймати мамлакат марказий банки фоиз ставкасини 16дан 15 фоизга пасайтирганидан сўнг тушиб кетди. Президент Ражаб Тоййиб Эрдўған ставка янада пасайишини маълум қилди.

Туркия президентининг фикрича, юқори ставка инфляция ўсишига сабаб бўлади.

Кўпроқ янгиликлар