Бухорода ёш ижрочиларнинг “Шашмақом” фестивали ўтказилади

Ўзбекистон 08:51 / 22.11.2021 409

Вазирлар Маҳкамасининг “Бухоро вилоятида ёш ижрочиларнинг "Шашмақом" Республика фестивалини ташкил этиш ва ўтказиш чора-тадбирлари тўғрисида”ги қарори қабул қилинди. Бу ҳақда Norma.uz хабар бермоқда.

Маълум қилинишича, ҳужжатда 2022 йилдан бошлаб ҳар икки йилда бир маротаба май ойида Бухоро шаҳрида Ёш ижрочиларнинг “Шашмақом” республика фестивали ўтказилиши назарда тутилган.

Қарор билан фестивалга тайёргарлик кўриш бўйича ташкилий қўмита таркиби ҳамда фестивални ўтказиш тартиби тўғрисидаги низом ҳам тасдиқланган. Низом фестивални ўтказиш тартиби ва шартларини, жумладан, чолғу ва ашула йўналишлари бўйича талабларни белгилайди. Хусусан, якка ижрочилар 30 ёшгача бўлиши, ижодий жамоалар сони эса 15 нафардан ошмаган хонанда ва созандалардан иборат бўлиши керак. 

Бухоро вилояти ҳокимлигига бир ой муддатда фестивални ташкил этиш ва ўтказиш бўйича “йўл харитаси”ни тасдиқлаш, кенг кўламдаги ободонлаштириш ва кўкаламзорлаштириш ишларини амалга ошириш топширилди.

Кўпроқ янгиликлар