«Osiyo Olimpiya kengashi qit'adagi muloqot uchun muhim» - Otabek Umarov BAA MOQ vitse-prezidenti bilan muzokara o‘tkazdi

«Bu O‘zbekiston delegatsiyasi uchun chinakam muhim voqeadir. OSA prezidenti vazifasini bajaruvchi Raja Randhir Singh va OSA bosh direktori doktor Husayn Al-Musallam bilan muzokaralar, shuningdek, Milliy olimpiya qo‘mitalari assotsiatsiyasi rahbari Robin Mitchell bilan o‘tkazilgan muzokaralar juda samarali bo‘ldi», deya yozadi Osiyo Olimpiya kengashi vitse-prezidenti Otabek Umarov telegramdagi sahifasida.

 21 noyabr kuni BAA Sport bosh boshqarmasi raisi – Milliy olimpiya qo‘mitasi vitse-prezidenti bilan muzokaralar bo‘lib o‘tdi.

«Doktor Ahmad Abdulloh Humeyd Bil Hul Al Falasiy qit'a mamlakatlari aro muloqot uchun Osiyo Olimpiya kengashi muhim ekanligini ta'kidladi.

BAAdagi do‘stlarimiz O‘zbekiston sportchilarining muvaffaqiyatlarini diqqat bilan kuzatib boradilar va mamlakat rahbariyatining ommaviy sportni rivojlantirishga qaratilgan sa'y-harakatlarini yuqori baholaydilar. 

O‘zbekistonning ko‘plab sport yo‘nalishlaridagi yetakchilik pozitsiyalari alohida qayd etildi: BAA, o‘z navbatida, bunday salmoqli natijalarga erishish imkonini beruvchi tajribani o‘zlashtirishdan manfaatdor. Albatta, ushbu hamkorlik doirasida davlatlar o‘rtasidagi munosabatlar yanada chuqurlashib boradi», deyiladi xabarda.