Apple’нинг илк автомобили бутунлай бошқарувчисиз — рул ва педалларсиз бўлади

Фан-техника 17:14 / 19.11.2021 32925

Автомобилда рул орқали бошқарув ва педаллар бўлмайди, дея тахмин қилиняпти. Бироқ қўлда бошқариш авариявий режими билан жиҳозлаш масаласи ҳали муҳокама қилиняпти, дея ёзмоқда  Bloomberg.

Интерер Canoo томонидан тақдим этилган Lifestyle’даги дизайнда бўлади. Унда лимузиндаги каби йўловчилар бир-бирига қарама-қарши томонда ўтиради.

Салон марказида iPad’га ўхшаган катта сенсор экран бўлади. У ёрдамида фойдаланувчилар йўлда кетиш вақтида ахборот-кўнгилочар тизимни қўллашлари мумкин. Автомобил Apple’да мавжуд сервис ва қурилмаларга интеграция қилиниши керак.

Бошқарув тизим учун асосий микросхема деярли тайёр. У автоном бошқариш учун зарур бўлган операцияларни сунъий идрок ёрдамида қайта ишловчи кўплаб нейрон процессорлардан иборат.

Сўнгги бир неча йил давомида Apple компаниясининг автомобил бўлими ривожланишнинг икки йўли устида тадқиқот олиб борди: биринчиси, автоном бошқарувининг чекланган имкониятларига эса модел ва иккинчиси, инсон аралашувини талаб этмайдиган тўлиқ автоном автомобил яратиш. Лойиҳанинг янги раҳбари, Apple Watch дастурий таъминот бўлими бошлиғи Кевин Линч бошчилигида муҳандислар иккинчи вариантга эътибор қаратишди.

Bloomberg’нинг қайд этишича, бу қарор эришиб бўлмас мақсадга ўхшайди. Автомобил саноатининг кўплаб гигантлари автоном транспорт воситалари устида йиллаб иш олиб боришган, бироқ инсон иштироки талаб этилмайдиган моделга деярли яқинлашишмади. Tesla ҳам, Waymo ҳам, бошқа компаниялар ҳам бу борада катта муваффақиятга эришмади.

Apple ўзининг бошқарувчисиз автомобилини тўрт йилдан кейин чиқаришни мақсад қилган. Муддатлар ўзгарувчан. Бу мақсадга 2025 йилда эришиш компаниянинг автоном бошқарув тизимини яратишни тугатиш имкониятларига боғлиқ. Агар Apple бу мақсадга эриша олмаса, лойиҳани четга суриб қўйиши, ёки дастлаб бошқарув технологиялари у қадар мукаммал бўлмаган автомобил ишлаб чиқариши мумкин.

Кўпроқ янгиликлар