Yandeks Dubayda mahsulotlar robotlar tomonidan yetkazib berilishini yo‘lga qo‘yadi

Yandeks Yaqin Sharq, Afrika va Markaziy Osiyo savdo markazlari operatorlari bilan boshqaruvchisi bo‘lmagan texnologiyalarni rivojlantirish maqsadlari bo‘yicha shartnoma imzoladi. Shartnoma doirasida Yandeks Dubayda robotlar yordamida mahsulotlar yetkazib berilishini yo‘lga qo‘yadi.

Foto: Getty Images

Dubayda mahsulotlarini Carrefour supermarketlaridan yetkazib berish xizmati 2022 yilda sinov dasturi doirasida ishga tushiriladi. Mijozlar MAF Carrefour ilovasida real vaqt rejimida buyurtmani olib kelayotgan robotning harakatlanishini kuzatishlari mumkin.

Carrefour hududlardagi buyurtmalarni yetkazish uchun boshqaruvchisiz robotlardan foydalangan ilk oziq-ovqat riteyli bo‘ladi. Boshqaruvchisi bo‘lmagan texnologiyalar onlayn buyurtmalarga bo‘lgan tobora o‘sib borayotgan talabni muvozanatlashtirib, atrof-muhitga zararli chiqindilar miqdorini kamaytirish imkonini beradi.

Shartnomani imzolash marosimi Dubayda Boshqaruvchisiz transport bo‘yicha jahon kongressida bo‘lib o‘tdi. Unda Dubay shahrining Yo‘l va transport boshqarmasi rahbari Muatta Al Tayyor, Majid Al Futtaim Retail bosh direktori Hani Vays va Yandeksning Boshqaruvchisiz texnologiyalar biznesini rivojlantirish direktori Artem Fokin ishtirok etdi.

Yandeksning avtonom yetkazib beruvchi robotlari mustaqil ravishda xavfsiz marshrutni rejalashtiradi, yaqinlashib kelayotgan transport vositalari va piyodalarni ko‘radi hamda trotuar, boshqa piyoda hududlarida soatiga 8 km tezlikda harakatlanadi.

Yandeksning kurer robotlarni Dubayga yetkazib berish rejasi haqida 2021 yilning oktabr oyida ma'lum bo‘ldi. Kompaniya robotlari Moskvada 2020 yil so‘nggidan beri ishlab kelmoqda. Ular do‘konlardan va “Yandeks.Yedy” buyurtmalarini shaharning bir necha tumanlariga olib boradi. 2021 yilda robotlar AQSh universitetlari kampuslarida buyurtmalarni yetkazib berishni boshladi.

#Yandex #Dubay #robot