Японияда 680 минг долларлик учар мотоцикл тақдим этилди

Фан-техника 22:12 / 27.10.2021 15915

Японияда дронлар ишлаб чиқариш билан шуғулланувчи ALI Technologies стартапи учар мотоцикл XTurismo Limited Edition’ни тақдим этди ва унинг сотувга чиқарилишини эълон қилди. Қурилма нархи 77,7 млн иенани (680 минг доллар) ташкил қилади.

The Japan Times нашрининг хабар беришича, учар мотоцикл битта оддий ва 4 та электр двигател ҳамда 6 та паррак билан жиҳозланган. Унинг оғирлиги 300 кгни ташкил қилади. Ҳовербайк 40 дақиқагача 100 км/соат тезлик билан парвоз қила олади. 

Қурилма Фудзи тоғи яқинидаги пойга трассасида намойиш қилинган. Унда ердан бир неча метр баландликда қисқа парвоз амалга оширилган.

Япония қонунчилиги бундай машиналарни умумий фойдаланиш йўлларида қўллашни тақиқлайди. Шу сабабли қурилма муаллифлари у суперкарлар ихлосмандлари ва пойга трассаларида юриш имконига эга бўлганларда қизиқиш уйғотишига умид қилишмоқда. Бундан ташқари, ҳовербайкдан қутқарувчилар етиб бориш қийин бўлган жойларда фойдаланишлари мумкин бўлади.

Кўпроқ янгиликлар