Россияда илк марта бир суткада 37 мингдан ортиқ кишида коронавирус аниқланди

Жаҳон 15:43 / 22.10.2021 2945

Россияда охирги суткада 37141 кишида коронавирус аниқланди. Бу пандемия бошланганидан буён мутлақ рекорд ҳисобланади. 

Энг кўп янги ҳолат Москвада қайд этилди – 8166та. Кейинги ўринларда Санкт-Петербург (3233 киши) ва Москва области (2428 киши) турибди.

Федерал штаб маълумотига кўра, ўтган суткада 1064 нафар бемор вафот этган бўлиб, бу ҳам пандемия бошланганидан буён қайд этилган энг юқори кўрсаткич ҳисобланади.

Аввалроқ коронавирус билан боғлиқ вазият оғирлашгани муносабати билан Россия президенти Владимир Путин мамлакатда 30 октябрдан 7 ноябргача бўлган муддатни ишланмайдиган кунлар сифатида белгилаганди.

Кўпроқ янгиликлар