Туркияда Исроилнинг 15 нафар агенти қўлга олингани хабар қилинди

Жаҳон 18:41 / 21.10.2021 5650

Истанбул шаҳрида Исроил «Моссад» махсус хизматининг 15 нафар ахборотчи агенти қўлга олинди. Бу ҳақда Anadolu агентлиги хабар бермоқда.

Жосусликда айбланаётган Фаластин ва Сурия фуқаролари Туркия ҳудудида истиқомат қилган ва Истанбул прокуратураси суриштируви доирасида қўлга олинган.

Агентлик суҳбатдошларининг сўзларига кўра, улар Исроил разведкасига махфий маълумот ва ҳужжатлар етказиб берган.

Маълум қилинишича, жосуслик тармоғи аъзолари электрон ўтказмалар ва курьерлар орқали ҳақ олиб келишган.

27 июлда Эрон контрразведкаси мамлакат чегараси яқинида «Моссад» агентларини қўлга олганди.

Кўпроқ янгиликлар