Бельгияда коронавируснинг тўртинчи тўлқини бошланди

Жаҳон 21:26 / 21.10.2021 1970

Бельгия соғлиқни сақлаш вазирлиги мамлакатда коронавируснинг тўртинчи тўлқини бошланганини маълум қилди. Бу ҳақда Politico нашри хабар берди.

Хабарда айтилишича, яқин вақт ичида мамлакатда коронавирус юқтириш ҳолатлари кескин ўсиши кутилмоқда.

"Рақамлар унчалик яхшимас. Биз тўртинчи тўлқинда турибмиз. Яқин кунларда рақамлар кескин ўсишини кўрамиз. Тўртинчи тўлқин билан курашишга тайёр бўлишимиз керак", - деди соғлиқни сақлаш вазири Франк Ванденбрук.

Унинг сўзларига кўра, тиббиёт ходимларини мажбурий эмлаш масаласи ҳали ҳам ҳукумат кун тартибида турибди.

Шунингдек, Ванденбрук COVID-рухсатномалардан фойдаланишни кенгайтириш, жамоат жойларида мажбурий ниқоб тақишни қайтариш ва масофадан ишлашни мажбурий қилишга чақирди.

Бельгияда коронавирус юқтирганлар сони 1 млн 300 мингга яқинлашган, 25,8 мингдан ортиқ бемор вафот этган.

Кўпроқ янгиликлар