Qashqadaryolik rahbarlar chekka qishloqlarda tunadi: bu minglab muhtojlarga yordam, muammolarga yechim berdi

Jamiyat 13:25 / 20.10.2021 10819

Hokim boshchiligidagi viloyat rahbarlari Dehqonbod, G‘uzor, Mirishkor, Kitob, Chiroqchi, Shahrisabz, Yakkabog‘ va Qamashi tumanlarida joylashgan 24ta uzoq qishloqlarda tunab qolishdi.

Foto: Qashqadaryo viloyati hokimligi axborot xizmati
Foto: Qashqadaryo viloyati hokimligi axborot xizmati

Tashabbus davomida davlat rahbarining topshirig‘iga muvofiq fuqarolarni qiynab kelayotgan qator muammolar va ijtimoiy masalalarni hal etish maqsadida ularning fikri eshitildi. Sayyor qabul, tibbiy ko‘rik, madaniy va saxovat tadbirlari o‘tkazildi.

Foto: Qashqadaryo viloyati hokimligi axborot xizmati
Foto: Qashqadaryo viloyati hokimligi axborot xizmati
Foto: Qashqadaryo viloyati hokimligi axborot xizmati

Jumladan, 2141 nafar fuqaroning holidan xabar olinib, ularga 817 dona uy-ro‘zg‘or buyumlari, isitish vositalari, oziq-ovqat mahsulotlari tarqatildi. Bemorlar uchun 3,2 mln so‘mlik moddiy yordam ko‘rsatildi. Joylardagi qabullar davomida 958 nafar fuqaroning murojaatiga asosan 618 ta muammo aniqlangan bo‘lsa, shundan 47 tasi uy-joy ta'miri, 63 tasi davolanish, 96 tasi ehtiyojmandlar uchun moddiy yordam ajratish va 5 tasi ta'lim yo‘nalishlari, shuningdek, kommunal xizmatlar, yo‘l ta'miri va boshqa 407 ta masala bo‘yicha murojaatlar o‘rganildi. Ko‘plab muammolar joyida hal etildi va qolganlariga ham tez orada ijobiy yechim topish uchun 259,8 mln so‘m mablag‘ ajratiladigan bo‘ldi.

Foto: Qashqadaryo viloyati hokimligi axborot xizmati
Foto: Qashqadaryo viloyati hokimligi axborot xizmati
Foto: Qashqadaryo viloyati hokimligi axborot xizmati

“Nevaramning shartnoma pulini to‘lashdagi qiyinchilik va o‘ylarimning chegarasi yo‘q edi. Kichkintoylarning rizqini qiyib, bahorda bolalaydigan sigirimizni sotib, shartnoma pulini shaharga borib to‘lab kelasan, deb turgan edim o‘g‘limga. Shanba kuni qabulga borgan o‘g‘lim "Ona, nevarangizning 12 mln shartnoma pulini davlat to‘lab berarkan", degan gaplarini eshitib ko‘zimga yosh keldi. Quvonchdan yig‘ladim. Prezidentni duo qildim” deydi shahrisabzlik Sanam momo.  

Foto: Qashqadaryo viloyati hokimligi axborot xizmati
Foto: Qashqadaryo viloyati hokimligi axborot xizmati
Foto: Qashqadaryo viloyati hokimligi axborot xizmati

O‘tkazilgan sayyor qabullarning amaliy davomi sifatida xonadonma-xonadon o‘rganishlar tashkil etilib, ularga turli xil uy-ro‘zg‘or buyumlari, oziq-ovqat mahsulotlari va pul mablag‘lari moddiy yordam tariqasida taqdim etildi.

Qashqadaryo viloyati hokimligi axborot xizmati Ⓣ

Ko‘proq yangiliklar: