Хитойнинг Xiaomi компанияси 2024 йилдан электромобиллар ишлаб чиқаришни бошлайди. Бу ҳақда Reuters хабар бермоқда.

Қайд этилишича, ушбу лойиҳага 10 млрд доллар инвестиция киритилади. Xiaomi электромобиллар ишлаб чиқаришда иштирок этиш учун 300 нафар ходим ёллаган. 

Компания ишлаб чиқарадиган электромобилнинг техник хусусиятлари ҳозирча маълум қилинмаган. Илк электромобил тақдимоти 2023 йилда ўтказилиши режалаштирилган.

Апрелда компания раҳбари Лэй Цзюн Xiaomi мухлислари билан онлайн суҳбатда бўлажак электромобил тўғрисидаги айрим тафсилотларни маълум қилганди.

Цзюн компания электромобиллари ўрта ва юқори тоифага мўлжалланиб ишлаб чиқарилишини айтган. Унинг нархи 100 минг юандан 300 минг юангача (15,2 минг доллардан 45,7 минг долларгача) бўлади.