Пентагон раҳбари Россияни Донбассдаги урушни тўхтатишга чақирди

Жаҳон 17:56 / 19.10.2021 10220

АҚШ мудофаа вазири Ллойд Остин Россияни Донбассдаги урушни, Қора денгиз ва Украина чегараларидаги вазиятни беқарорлаштиришни ҳамда АҚШ ва унинг иттифоқчиларига киберҳужумлар уюштиришни тўхтатишга чақирди.

"Биз Қрим оккупациясини қоралаймиз ва Россияни Донбассдаги урушни, Қора денгиз ва Украина чегараларидаги вазиятни беқарорлаштиришни ҳамда АҚШ ва унинг иттифоқчиларига киберҳужумлар уюштиришни тўхтатишга чақирамиз", - деди Остин Украина мудофаа вазири Андрей Таран билан Киевда ўтказилган музокаралар якунига бағишланган брифингда.

АҚШ мудофаа вазирининг билдиришича, Қўшма Штатлар 2014 йилдан буён Украина қуролли кучлари учун 2,5 млрд доллардан ортиқ маблағ ажратган.

Ўз навбатида, Украина мудофаа вазири АҚШ Россияни Донбассдаги қуролли низони кенг миқёсдаги урушга айлантиришдан тўхтатиб туришига умид билдирди.

Кўпроқ янгиликлар