Ўзбекистонда Renault автомобиллари нархлари эълон қилинди

Ўзбекистон 12:40 / 19.10.2021 19599

Renault Uzbekistan сайтида француз автоконцерни маҳсулотларининг Ўзбекистон бозори учун нархлари эълон қилинди.

Расмий манбада уч хил автомобил учун қуйидаги нархлар кўрсатилган:

  • Kaptur – 221 115 600 сўмдан бошлаб;
  • Duster – 225 108 500 сўмдан бошлаб;
  • Arkana – 230 879 300 сўмдан бошлаб.

Мазкур нархлар ҚҚСни ўз ичига олган-олмагани ҳозирча маълум эмас. Комплектациялар бўйича тўлиқ прайс-лист ҳали эълон қилинмади.

Renault Kaptur / Фото: auto.mail.ru
Renault Duster / Фото: Renault

Компания Ўзбекистон бозорига кириши ҳақида ўтган ҳафта берган эълонида илк кроссоверлар шу йил кузиданоқ сотувга чиқарилишини маълум қилганди.

Дастлабки босқичда автомобиллар Тошкентдаги иккита дилерлик марказида сотилади.

Франция компанияси, шунингдек, Ўзбекистондаги Roodell билан биргаликда мамлакатда автомобил ишлаб чиқаришни йўлга қўйишни ҳам режалаштирмоқда.

Бундан олдин “Автоваз” президенти Николя Мор Ўзбекистонда Lada ва Renault автомобилларини йиғиш режалаштирилаётгани ҳақида айтиб ўтганди.

Кўпроқ янгиликлар