Москвада коронавирус юқтириш ҳолатлари кўпайгани сабабли янги чоралар жорий этилди

Жаҳон 19:07 / 19.10.2021 5962

Москва мэри Сергей Собянин шаҳарда коронавирус билан боғлиқ вазият сабабли янги чоралар киритилганини маълум қилди.

Мэр қарорига кўра, 25 октябрдан 2022 йилнинг 25 февралигача ёши 60дан юқори бўлганлар ва сурункали касаллиги бор шахслар ўз-ўзини изоляция қилиш режимига амал қилиши керак бўлади. 

Бундан ташқари, ходимларнинг камида 30 фоизи ва ёши 60дан юқори бўлган ёки сурункали касаллиги бор барча ходимлар масофадан ишлашга ўтади.

Хизмат кўрсатиш соҳасида фаолият кўрсатувчи корхоналар ходимларининг камида 80 фоизини коронавирусга қарши эмлаши шарт. Бунда вакцинанинг биринчи дозасини 1 декабргача олиш белгиланди.

Охирги ҳафтада Москвада коронавирус юқтириш билан боғлиқ ҳолатлар кескин кўпайди. 18 октябр куни 6823, 19 октябр куни 5700та янги ҳолат аниқланган.

Кўпроқ янгиликлар