ЖССТ камбағал мамлакатларга коронавирусга қарши таблеткалар етказиб беришга қарор қилди

Жаҳон 15:33 / 19.10.2021 2899

Жаҳон соғлиқни сақлаш ташкилоти камбағал мамлакатларга арзон нархларда коронавирусга қарши тестлар ва таблеткалар етказиб беришга қарор қилди. Бу ҳақда ЖССТнинг АСТА ташаббуси ҳужжатига асосланиб Reuters хабар берди.

Агентликнинг қайд этишича, ҳужжат ҳозирча қоралама кўринишида бўлиб, унга мувофиқ, беморлар бир курсининг нархи 10 долларни ташкил этувчи препарат билан таъминланади.

ACTА ҳужжатида қайси доридан фойдаланилиши айтилмаган. Reutеrs бу АҚШнинг Merck компанияси ва унинг ҳамкори Ridgeback Biotherapeutics ишлаб чиқарган молнупиравир дори воситаси эканлигини тахмин қилмоқда.

Ушбу синов препарати коронавирусга қарши дунёдаги илк таблетка кўринишидаги дори бўлиши мумкин. 

Октябр бошларида дорининг клиник синовлари якунланган. АҚШ регулятори ҳозирча ундан фойдаланишга рухсат бермади.

Кўпроқ янгиликлар