Теҳронда Афғонистонга қўшни давлатлар ташқи ишлар вазирлари учрашуви ўтказилади

Жаҳон 14:24 / 18.10.2021 3736

27 октябр куни Теҳрон шаҳрида Афғонистонга қўшни давлатлар ташқи ишлар вазирлари учрашуви ўтказилади. Бу ҳақда Эрон ташқи ишлар вазирлиги вакили Саид Хатибзода маълум қилди.

“Келгуси ҳафтада Теҳронда Афғонистонга қўшни мамлакатлар ташқи ишлар вазирлари йиғилиши ўтказилади. Учрашув юзма-юз шаклда бўлиб ўтади”, – деди у.

Унинг сўзларига кўра, кун тартибидан онлайн шаклда ўтган мулоқотни давом эттириш ўрин олган.

“Олти мамлакат Афғонистонда барча миллий гуруҳлар иштирокида инклюзив ҳукумат шакллантирилишига қай тарзда ёрдам бериш мумкинлигига эътибор қаратади”, – деди Хатибзода.

8 сентябр куни Афғонистондаги вазиятга бағишланган онлайн учрашув ўтказилганди. Унда Эрон, Хитой, Покистон, Тожикистон, Туркманистон ва Ўзбекистон ташқи ишлар вазирлиги иштирок этди.

Кўпроқ янгиликлар