Surxondaryo viloyati Angor tumanida mashinadan pullar va telefon o‘g‘irlagan shaxsga jinoyat ishi qo‘zg‘atilgan. Bu haqda viloyat IIB axborot xizmati xabar bermoqda.

Ma'lum qilinishicha, 2021 yil 26 sentabr kuni Termiz shahri Majnuntol mahallasida yashovchi I.S. tuman Angor tuman IIBga ariza bilan murojaat qilgan. U o‘z murojaatida 26 sentabr kuniga o‘tar kechasi, Spark mashinasiga yo‘lovchi sifatida chiqqan, Sherobod tumani Boyqishloq mahallasida yashovchi, D.I. bilan Bandixon tumanidan Termizga qaytayotgan vaqtida D.I. mashina salonidan 1 million 800 ming so‘mlik SAMSUNG J5 rusumli telefon apparatini 200 AQSh dollari va 130 ming so‘m pullarini o‘g‘irlab ketganini bildirgan.

Qayd etilishicha, 4 oktabr kuni D.I.ga nisbatan Jinoyat kodeksining 169-moddasi 1-qismi bilan jinoyat ishi qo‘zg‘atilgan.