Сурхондарё вилояти Ангор туманида машинадан пуллар ва телефон ўғирлаган шахсга жиноят иши қўзғатилган. Бу ҳақда вилоят ИИБ ахборот хизмати хабар бермоқда.

Маълум қилинишича, 2021 йил 26 сентябрь куни Термиз шаҳри Мажнунтол маҳалласида яшовчи И.С. туман Ангор туман ИИБга ариза билан мурожаат қилган. У ўз мурожаатида 26 сентябрь кунига ўтар кечаси, Спарк машинасига йўловчи сифатида чиққан, Шеробод тумани Бойқишлоқ маҳалласида яшовчи, Д.И. билан Бандихон туманидан Термизга қайтаётган вақтида Д.И. машина салонидан 1 миллион 800 минг сўмлик SAMSUNG J5 русумли телефон аппаратини 200 АҚШ доллари ва 130 минг сўм пулларини ўғирлаб кетганини билдирган.

Қайд этилишича, 4 октябрь куни Д.И.га нисбатан Жиноят кодексининг 169-моддаси 1-қисми билан жиноят иши қўзғатилган.