Латвия президентида Швециядан қайтганидан кейин коронавирус аниқланди

Жаҳон 20:04 / 14.10.2021 2169

Латвия президенти Эгил Левитс коронавирусга қарши тўлиқ эмланганига қарамай вирус юқтириб олди. Бу ҳақда президент девонхонасининг тиббий маркази раҳбари Юстина Дейчмане маълум қилди.

Латвия президенти топширган ПЗР-тест унда коронавирус борлигини кўрсатган. Таъкидланишича, Левитсда касалликнинг енгил аломатлари кузатилмоқда.

Латвия раҳбари вирусга чалингани сабабли Ригага амалий ташриф билан келган Эстониянинг янги президенти Алар Кариснинг у билан 14 октябрдаги учрашуви, Руминия президенти Клаус Вернер Йоханниснинг Латвияга 15-16 октябрга белгиланган ташрифи бекор қилинган.

Маълумотларга кўра, Левитс 13 октябрда Швециядан амалий сафардан қайтгандан кейин коронавирусга экспресс-тест топширган.

Левитс Латвиянинг биринчи даражали шахслари орасида биринчилардан бўлиб AstraZeneca вакцинаси билан эмланган. У апрел охиридаёқ тўлиқ эмлашдан ўтган.

Латвия ҳукуматида икки доза вакцина олганларни қўшимча эмлаш анчадан бери муҳокама қилинмоқда. Ҳозирча ҳукумат октябрдан бошлаб 65 ёшдан катталарни қўшимча эмлашга қарор қилган.   

Кўпроқ янгиликлар