Бразилия президенти коронавирусга қарши эмланишдан воз кечди

Жаҳон 17:01 / 14.10.2021 3088

Бразилия президенти Жаир Болсонару коронавирусга қарши эмланмаслигини айтди, деб хабар берди Notimérica нашри.

Нашрнинг маълумот беришича, у аввалроқ коронавирусга қарши эмланган "охирги бразилиялик" бўлишини айтганди.

"Мен эмланмасликка қарор қилдим. Янги тадқиқотларни кўряпман, иммунитетим шундоқ ҳам жуда юқори, эмланиб нима қиламан? Бу лотереяда икки реал ютиш учун 10 реал тиккан билан баробар. Бу бемаънилик", - деди Бразилия президенти.

Болсонару шунингдек, эмланганларга бериладиган санитар рухсатномаларга ҳам кескин қарши чиқди.

"Мен учун эркинлик ҳамма нарсадан юқори. Фуқаро эмланишни истамаса, бу унинг ҳуқуқи, тамом", - деди Болсонару.

Бразилия президенти пандемия бошидан буён ниқоб тақиш ва изоляция чораларига қарши чиқиб келади. У коронавирусни "кичик грипп" деб атаган.

Кўпроқ янгиликлар