Радиация ва янги вируслар: олимлар Арктика музликлари эришининг оқибатлари ҳақида маълум қилишди

Жаҳон 17:01 / 13.10.2021 6156

Британиядаги Аберистуит университети ва Калифорниядаги NASA реактив ҳаракат лабораторияси олимлари Арктика музликларининг эриши атроф-муҳитга радиоактив чиқиндилар ажралишига ҳамда антибиотикларга чидамли янги бактерия ва вируслар пайдо бўлишига олиб келиши мумкин деган хулосага келди. Бу ҳақда Express газетаси хабар берди.

Уларнинг эслатишича, собиқ совет иттифоқи Янги Ер архипелаги яқинида 130га яқин ядровий синовлар ўтказган ҳамда Баренц ва Кара денгизларида 100дан ортиқ сувости кемаларини чўктирган.

АҚШ эса ўз навбатида Гренландиядаги базасида ядровий қурилмадан фойдаланган ҳолда муз остидаги синовларини ўтказган.

Бундан ташқари, олимлар музликларнинг эриши оқибатида уларнинг остидаги микроблар тирилишидан ва дориларга чидамли янги вируслар пайдо бўлишидан хавотирланмоқда.

Аввалроқ олимлар Арктикада 2035 йилгача барча муз эриб кетиши мумкинлигини айтишганди.

Кўпроқ янгиликлар