Qashqadaryoda «Toza hudud» DUK ishchilarining maoshlari bir necha oydan beri berilmagani aytildi

Ijtimoiy tarmoqlarda Qashqadaryo viloyati Dehqonobod tumanida «Toza hudud» DUK ishchilarining maoshlari bir necha oydan beri berilmagani aytilgan xabarlar tarqaldi. Holat bo‘yicha viloyat Ekologiya boshqarmasi munosabat bildirdi.

Munosabatda ma'lum qilinishicha, holat Qashqadaryo viloyati Ekologiya va atrof-muhitni muhofaza qilish boshqarmasi boshlig‘i o‘rinbosari, «Toza hudud» DUK boshlig‘i Dexqonobod tuman hokimi, tuman Ichki ishlar bo‘limi boshlig‘i ishtirokida o‘rganilgan.

O‘rganish davomida aniqlanishicha, «Toza hudud» davlat unitar korxonasi Dexqonobod tuman filialida 24 nafar xodim faoliyat olib boradi. Tumanda 44 ta mahalla fuqarolar yig‘ini mavjud bo‘lib, filial xodimlari 6 texnika yordamida 11ta mahallani qamrab olgan. Filialning dibitor qarzdorligi hozirgi kunda 1 milliard so‘mni tashkil etadi.

Qayd etilishicha, filialda faoliyat olib borayotgan 24 nafar ishchiga 17 sentyabr kuni ish xaqi to‘lab berilgan. Qolgan 56 million 700 ming so‘m qarzdorlik 2021 yil 8 oktyabr kuni to‘liq to‘lab berilgan.