Genesis автомобилларига эгасини юзидан танийдиган технология ўрнатилади

Фан-техника 19:22 / 16.09.2021 27780

Hyundai компаниясининг премиал бренди Genesis янги Face Connect технологияси ҳақида эълон қилди. У автомобил эгасини юзидан танийди ва эшикни автоматик равишда очади.

Face Connect тизимига қиёфани тунда ва ёмон об-ҳаво шароитида ҳам таний оладиган инфрақизил камера киради. Ҳайдовчи ўзи билан калит олиб юришига ҳожат қолмайди – идентификациядан сўнг автомобил эшиги очилади ва ўриндиқ, рул, ташқи ойна, мультимедиа ва иқлим тизими созламаларини авалдан сақлаб қўйилган ҳолатга келтиради.

Двигатель бармоқ изи ёрдамида ўт олади.

Бундан ташқари, автомобиллар Software Update функцияси орқали тизим янгиланишларини қабул қилади. Бунда нафақат мультимедиа ва навигатор, балки двигател бошқарув блоки, рул бошқаруви, тормоз тизими дастурий таъминоти ҳам янгиланади. Натижада машина эгасининг сервис хизматига мурожаат қилишига ҳожат қолмайди.  

Face Connect тизимига биринчи бўлиб GV60 кроссовери эга бўлади. Келгусида бренднинг бошқа моделларига ҳам ушбу тизим жорий этилади.

Кўпроқ янгиликлар