«Жаҳон савдо ташкилотига аъзолик инфляциянинг яхшигина пасайишига замин яратади» – Беҳзод Ҳамроев

Иқтисодиёт 19:00 / 13.09.2021 14993

«Меҳнат унумдорлигинининг ошиши инфляцияни пасайтиришнинг энг асосий омилидир. Яшил иқтисодиётга ўтиш ва бошқа макроиқтисодий кўрсаткичларнинг барқарорлашуви инфляция пасайишига ёрдам беради. Бундан ташқари, охирги 4-5 йилдан бери кўриб чиқилаётган мавзу бор – Жаҳон савдо ташкилотига қўшилиш масаласи. Ўрта муддатли истиқболда ташкилотга аъзолик ҳам инфляциянинг яхшигина пасайишига замин яратади. Буни Россия ва Қозоғистон мисолида ҳам кўришимисз мумкинки, ЖСТга аъзолик бу мамлакатларда инфляцияга бевосита таъсир ўтказган. Кўпчилик шундай савол билан мурожаат қиляпти: нимага 5 фоиз даража белгиланган, масалан, 6-7 фоиз ёки 3 фоиз эмас? Бу кўрсаткич асосий савдо мамлакатларимиздаги инфляция даражасидан келиб чиқиб белгиланган миқдор. Энг катта савдо ҳамкорларимиз Россия, Қозоғистон ва Туркия каби мамлакатларда ўрта муддатли инфляция даражаси 4-5 фоиз атрофида. Биз ҳам шу давлатлар каби 5 фоизлик кўрсаткичга тушира олсак, миллий валютага босим ҳам камаяди. Курс барқарорлиги, меҳнат унумдорлиги, рақобат ва эркинлаштириш инфляциянинг паст даражада ушлаб турилишини таъминлайдиган омиллардир», – деди мутахассис.

Кўпроқ янгиликлар