Прогнозлаштириш ва макроиқтисодий тадқиқотлар институти экспертлари Ўзбекистоннинг фрилансни ривожлантириш ва онлайн-аутсорсингга ўтишга тайёргарлигини таҳлил қилишди.

2015-2020 йиллар давомида Ўзбекистоннинг фриланс бозорига киришга тайёрлиги индекси 45,7 дан 56,6 га ошган. Бунга 3-бўлим кўрсаткичлари бўйича яхшиланишлар катта таъсир кўрсатди. Масалан, «Инфратузилма» бўлими бўйича ўртача кўрсаткич 40,5 дан 61,6 га ўсган.

Энг катта ўсиш даражаси халқаро маълумотлар узатиш тармоғининг ўтказиш қобилияти (74,7 баробар ўсган), масофавий банк хизматларидан фойдаланувчилар (жисмоний шахслар) сони (14 баробар), белгиланган кенг полосали интернетдан фойдаланувчи абонентлари сони (2,4 баробар), аҳолининг интернет билан таъминланганлиги (2,2 баробар) каби кўрсаткичлар бўйича қайд этилган. 

Ўзбекистоннинг фриланс бозорига тайёрлигини баҳолашда 27 та кўрсаткичдан фойдаланилган. Бу кўрсаткичлар 4 бўлимга ажратилган бўлиб, иқтидорлиларнинг мавжудлиги ва сифати, харажатлар, инфратузилма ҳамда қулай имкониятлар яратишга эътибор қаратилган.

Ўзбекистоннинг фриланс бозорига кириш бўйича тайёргарлик индекси