Байден ва Зеленский учрашуви санаси маълум қилинди

Жаҳон 00:19 / 22.07.2021 7765

АҚШ ва Украина президентлари Жо Байден ва Владимир Зеленский 30 августда Вашингтонда учрашади.

Оқ уйнинг маълум қилишича, учрашув давомида икки етакчи Россиянинг Қрим ва Донбассдаги “агрессияси”ни, Украинанинг энергетик хавфсизлигини, Украинада коррупцияга қарши кураш ва демократик ислоҳотлар лойиҳаларини муҳокама қилишади. “Ушбу ташриф АҚШ Украинанинг суверенитети ва ҳудудий яхлитлигини қўллаб-қувватлашининг исботи бўлади”, деб айтилган Оқ уй хабарида.

Зеленский Байдендан Оқ уйга ташриф буюриш ҳақидаги таклифни 7 июндаги телефон суҳбати давомида олган. Бироқ ўшанда Украина президентининг АҚШга ташрифи аниқ санаси маълум қилинмаган.

Кўпроқ янгиликлар