Respublika maxsus komissiyasi qaroriga ko‘ra, to‘ylarda mehmonlar sonini cheklash tartibi 26 kundan so‘ng, ya'ni 1 avgustdan kuchga kiradi.

Eslatib o‘tamiz, shu yil aprel oyidan to‘ylarga 100 kishilik cheklov kiritilgan, ammo amalda bu cheklovga rioya etilishi nazoratsiz qolgandi.

“To‘yga 100 kishidan ko‘p odam aytgan rahbarlar kerak bo‘lsa ishdan olinadi”, degandi o‘shanda bosh vazir Abdulla Aripov.

Shuningdek, 6 iyuldan boshlab, barcha turdagi ommaviy tadbirlar vaqtincha to‘xtatildi.