Farg‘onada qidiruvda bo‘lgan firibgar Surxondaryo viloyati Jarqo‘rg‘on tumanida qo‘lga olingan. Bu haqda viloyat IIB xabar bermoqda.

Ma'lum qilinishicha, 2021 yil 1 aprel kuni Farg‘ona viloyati Buvayda tumani IIB tomonidan JKning 168-moddasi 3-qismi «b» bandida ko‘rsatilgan (firibgarlik) jinoyatni sodir etgan N.R.ga nisbatan qamoq ehtiyot chorasi qo‘llangan. Ammo u jinoiy javobgarlikdan qochib ketgan. Shundan so‘ng N.R.ga nisbatan qidiruv e'lon qilingan.

Qayd etilishicha, joriy yil 22 may kuni mazkur shaxs Surxondaryo viloyati Jarqo‘rg‘on tumani hududida yashirinib yurgani aniqlanib, ichki ishlar organlari xodimlari tomonidan qo‘lga olingan.