АҚШ технологик тараққиёт учун 250 млрд доллар ажратади

Жаҳон 20:56 / 11.06.2021 3404

АҚШ Сенати халқаро рақобатда муҳим технологик янгиликларни ривожлантиришни қўллаб-қувватлашга қаратилган қонун лойиҳасини маъқуллади.

Лойиҳада АҚШда технология ва тадқиқотларни кучайтириш, шунингдек, чиплар ва телекоммуникация ускуналарини ишлаб чиқариш учун тахминан 250 млрд доллар ажратилиши кўзда тутилган ва маблағларнинг катта қисми дастлабки беш йил ичида сарфланиши режалаштирилган.

Таъкидланишича, бу Қўшма Штатларда сўнгги ўн йилликлардаги илмий тадқиқотларга ажратилаётган энг катта сармоя ҳисобланади.

Бу дунё миқёсида АҚШнинг яримўтказгич ишлаб чиқаришдаги улуши 1990 йилдаги 37 фоиздан ҳозирги кунда тахминан 12 фоизгача камайиб кетгани ва чип танқислиги АҚШ таъминот занжиридаги заифликларни юзага келтиргани билан боғлиқлиги айтилмоқда.

«Агар биз америкалик ишчилар ва америкалик компаниялар дунёда етакчилик қилишни давом эттиришини истасак, бу оддий. Федерал ҳукумат Иккинчи жаҳон урушидан кейинги ўн йилликлар сингари илм-фан, фундаментал тадқиқотлар ва инновацияларга сармоя киритиши керак. Ким келажак технологиялари пойгасида ғолиб бўлса, у ташқи иқтисодий сиёсат ва миллий хавфсизлик соҳаларида катта устунликка олиб келадиган глобал иқтисодий етакчига айланади», деб таъкидлаган Сенат аъзоси Чак Шумер.

Кўпроқ янгиликлар