Сирдарё вилоятида коронавирус инфекциясига қарши эмлаш қамрови 51,6 фоизни ташкил қилади

Ўзбекистон 07:21 / 10.06.2021 162

Сирдарё вилоятида коронавирус инфекциясига қарши эмлаш ўтказувчи 96 та эмлаш бригадаси 113 нафар врач, 148 нафар вакцинатор, 99 нафар регистратор, жами 360 нафар тиббиёт ходими бириктирилган. Эмлаш пунктига келишга имкони бўлмаган фуқаролар учун 84 та мобил бригада ташкил қилинди. Бу ҳақда вилоят санитария-эпидемиологик осойишталик ва жамоат саломатлиги бошқармаси Kun.uz’га маълум қилди.

Сирдарё вилоятига 12 000 доза AstraZeneca вакцинаси, 88 800 доза ZF-UZ-VAK 2001 вакцинаси, 3 000 доза СПУТНИК-V вакцинаси  олиб келинди. 2021 йил 1 апрелдан Гулистон шаҳрида, 9 апрелдан вилоятнинг барча ҳудудларида эмлаш ишлари бошланди.

2021 йил 1 апрел кунидан тиббиёт ходимлари, хавф гуруҳидаги 65 ёшдан катталар, 27 апрел кунидан ўқитувчилар, мактабгача таълим ташкилотлари ходимлари,  сурункали касаллиги бўлган фуқаролар, 19 май кунидан ҳарбий хизматчилар ва 31 май кунидан хорижда таълим олувчи талабалар, ОАВ ходимлари коронавирусга қарши эмланди.

Бугунги кунга қадар 10 408 нафар 65 ёшдан юқори фуқаролар, 11 114 нафар тиббиёт ходими, 13 816 нафар 18-65 ёшдаги сурункали касаллиги бор бўлган шахслар, 7 738 нафар ўқитувчи, 2 680 нафар мактабгача таълим ташкилоти ходимлари, 1 867 нафар ҳарбий хизматчи, 22 нафар чет эл талабалари эмланди. Уларнинг 22 273 нафари вакцинанинг 2-дозаси ва 676 нафари 3-дозасини қабул қилган. Вилоятда жами 67 994 та эмлаш ишлари бажарилди. 2021 йил 9 июнь ҳолатига эмлаш қамрови 51,6 фоизни ташкил қилади.

Кўпроқ янгиликлар