Франция президенти Эммануэл Макроннинг юзига тарсаки туширган Дамиен Тарел тўрт ойга қамоқ жазосига ҳукм қилинди. Бу ҳақда BFM телеканали хабар берди.
Суд қарорига кўра, Тарел шунингдек, шартли равишда 14 ойга озодликдан маҳрум этилади.
Бундан ташқари, у икки йил синов муддатида бўлади. Тарелга шунингдек, беш йил давомида қуролга эгалик қилиш тақиқланади.
Эслатиб ўтамиз, Тарел Дром департаментида аҳоли билан мулоқот вақтида Франция президенти Эммануэл Макроннинг юзига тарсаки туширганди.
