Фарғонада ўтган 5 ой давомида қарийб ўн мингта никоҳ қайд этилган

Ўзбекистон 14:56 / 10.06.2021 241

Давлат хизматлари агентлиги Фарғона вилоят бошқармасида туман (шаҳар) давлат хизматлари марказлари, ФҲДЁ бўлимлари ва ФҲДЁ архиви томонидан 2021 йилнинг 5 ойи давомида амалга оширилган ишлар, давлат хизматлари марказларининг бошқа давлат органлари ва ташкилотлари билан интеграциялашуви, ташкил этилган янги хизмат турлари бўйича матбуот анжумани ўтказилди.

Матбуот анжуманида сўз олган ДХА Фарғона вилояти бошқармаси бошлиғи Раъно Бойқўзиеванинг таъкидлашича, ДХА: вилоятда  аҳолига 502 мингдан ортиқ давлат хизмати кўрсатилган. 2021 йилнинг ўтган 5 ойи давомида 9 802 та никоҳ қайд этилган. Вилоятнинг 21 та Фуқаролик ҳолати далолатномаларини ёзиш бўлимлари томонидан 2021 йилнинг 1 июнь ҳолатига 9 802 та никоҳ, 35 125 та туғилиш, бахтга қарши 1 722 та ажрим, 7 191 та ўлим ҳолатлари қайд этилди.

2021 йилнинг 1 июнь ҳолатига ҳудудлардаги 19 та туман (шаҳар) Давлат хизматлари марказлари томонидан аҳоли ва тадбиркорлик субъектларига жами 502 074 та давлат хизматлари кўрсатилган.

4 152 та тадбиркорлик субъектлари, 8 та хорижий инвестиция иштирокидаги корхоналар, 2 337 юридик шахс бўлмаган тадбиркорлик субъектлари, яъни якка тартибдаги тадбиркорлар давлат рўйхатидан ўтказилган. 19 167 та сайёр тартибда давлат хизматлари кўрсатилган бўлиб, унда жами 412 та тадбиркорлик субъектлари давлат рўйхатидан ўтказилган.
 

Кўпроқ янгиликлар