Hozirgi kungacha O‘zbekistonda koronavirusga qarshi 2 191 525 doza vaksinadan foydalanildi, ularning 2256 dozasi uchinchi va 786 290 dozasi ikkinchi bosqichda qo‘llangan. Shunga ko‘ra, mamlakatda jami emlanganlar soni 1 402 979 kishini tashkil etmoqda.
2 iyun kunidagi emlash ko‘rsatkichlari bo‘yicha yuqori o‘rinlarni
- Andijon viloyati (7045 doza),
- Namangan viloyati (6327 doza),
- Toshkent viloyati (6080 doza) band qildi.
Koronavirusga qarshi emlangan jami aholi soni
- Farg‘ona viloyatida 280 506 doza,
- Namangan viloyatida 257 550 doza,
- Andijon viloyatida 249 364 doza,
- Samarqand viloyatida 208 307 dozani tashkil qilmoqda.
Avvalroq O‘zbekistonda chet elga ketadigan talabalar va OAV xodimlari 31 maydan koronavirusga qarshi emlanishi, o‘zbek-xitoy vaksinasi bilan emlanganlarga 3-dozani qo‘llash boshlangani to‘g‘risida xabar berilgandi.