Собиқ вазир Маданият вазирлигига қайтди

Ўзбекистон 23:29 / 04.05.2021 17397

Маданият вазирининг биринчи ўринбосари сифатида ишлаб келган Жамол Носиров бошқа ишга ўтиши муносабати билан вазифасидан озод қилинди. Ушбу маълумотни Kun.uz'га вазирлик матбуот хизмати тасдиқлади. Носировнинг ўрнини Баҳодир Аҳмедов эгаллади.

Баҳодир Аҳмедов 1973 йилда туғилган; 1996 йилда Тошкент электротехника алоқалар институтини, 2007 йилда эса Президент қошидаги Давлат бошқарув академиясини битирган.

У турли йилларда«Ўзбекнаво» эстрада бирлашмаси бош директори, маданият ва спорт вазири, Тошкент вилояти ҳокими ўринбосари сифатида ишлаган. 2020 йил ёзида Ўзбекистон чим устида хоккей федерацияси раиси лавозимига сайланган.

Жамол Носиров

Жамол Носировга яқин манбаларга кўра, у Бухоро шаҳри ҳокими этиб тайинланиши мумкин.

Таъкидлаш лозим, уч ой олдин Бухоро шаҳри ҳокими лавозимига Ўткир Жумаев тасдиқланган эди. У 2020 йил мартидан буён шаҳар ҳокими лавозимида ишламоқда.

Эслатиб ўтамиз, Маданият вазирлигини 2020 йил 23 январдан буён Озодбек Назарбеков бошқармоқда.

Кўпроқ янгиликлар